Վերջնականապես որոշվել է. Հանրապետական կուսակցության նախընտրական ցուցակում ոչ մի գործարար չի ընդգրկվելու: Լինելու է մաքուր քաղաքական ցուցակ: Բայց այս քայլը զուտ պարզ աչքակապություն է: Որովհետև մեր ունեցած հավաստի տվյալներով՝ ՀՀԿ-ական գործարարներն ու օլիգարխներն իրենց թեկնածությունը դնելու են մեծամասնական ընտրակարգով: Եվ այսպես՝ ցուցակով «մաքուր» են գնալու, մեծամասնականով՝ «կեղտոտ»: Իսկ խորհրդարանում խառնվելու են իրար: Ի՞նչ է փոխվում: Ոչինչ:

Որոշ գործարարներ արդեն վերևից «դաբրո» են ստացել մեծամասնականով առաջադրվելու համար: Առայժմ մեզ հայտնի են մի քանի անուններ՝ Աշոտ Աղաբաբյան, Սամվել Ալեքսանյան, Աշոտ Արսենյան: Նույնիսկ Արզաքանցյանի մասին է խոսք գնում: