«Հրապարակ». Հովիկ Աբրահամյանն անկոպեկ է թողել Սամվել Նիկոյանին
ԱԺ նախկին նախագահ Հովիկ Աբրահամյանը պաշտոնից հեռանալուց հետո Սամվել Նիկոյանին, կարելի է ասել, անկոպեկ է թողել: Նա իր հրաժարականի առթիվ մեկ աշխատավարձի չափով «պրեմիա» է տվել ԱԺ աշխատակազմին: Բայց դրանից՝ փակել է ԱԺ դահլիճի վերանորոգման ժամանակվանից մնացած պարտքը ճարտարապետներին:
Դրանով պարոն Աբրահամյանն օգտագործել է ԱԺ ողջ հավելյալ բյուջեն, ու հիմա, «Հրապարակի» տեղեկություններով, ԱԺ գանձանակը դատարկ է: Անգամ Նոր տարվա բանկետի համար գումար չկա: Այնպես որ, հնարավոր է՝ ԱԺ-ն տարեվերջի բանկետ չանի:
Նոր տարվա առիթով ԱԺ-ում ոչ գործարար պատգամավորները ևս սովորաբար «պրեմիա» են ստացել: Դրա համար, փաստորեն, ևս գումար չկա:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել