Տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ նոյեմբերի 1-ին՝ ժամը 15:00-ի դրությամբ, Արագածոտնի, Կոտայքի, Գեղարքունիքի, Տավուշի, Լոռու և Շիրակի մարզերում ձյուն է տեղում: Առատ ձյան պատճառով դժվարանցանելի է Դիլիջանի լեռնանցքը:

Սևանի թունելից մինչև Ծովագյուղ ընկած  հատվածում խիտ մառախուղ է, տեսանելիությունը՝ 50-70 մ:

Միջպետական և հանրապետական նշանակության ճանապարհները սպասարկող ճանապարհաշինական ընկերությունների կողմից, ըստ հաղորդագրության, ավտոճանապարհներին շուրջօրյա հերթապահություն է իրականացվում, որի ընթացքում  կատարվում են ճանապարհների մաքրման, աղով, ավազով մշակման աշխատանքներ:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով։ Միջպետական և հանրապետական նշանակության ճանապարհները, ըստ նախարարության, բաց են։