Ժամը 09:45-ի դրությամբ Մ2` Երևան - Երասխ - Գորիս - Մեղրի - Իրանի սահման միջպետական ավտոճանապարհի 247-րդ կմ-ում՝  Գորիս - Կապան հատվածում, Որոտանի ոռոգման համակարգի վերգետնյա խողովակաշարի վթարի պատճառով ճանապարհը դարձել է դժվարանցանելի: Այս մասին տեղեկացնում է տրանսպորտի, կապի և տեղեկատվական տեխնոլոգիաների նախարարությունը:

Ողողվել են ճանապարհի վերին և ներքին շեպերը, որի հետևանքով ներքին շեպը փլուզվել է, իսկ վերին շեպից թափված քարերը փակել են ճանապարհի երթևեկելի հատվածի մի մասը։

Ճանապարհը մաքրելու աշխատանքներ են իրականացնում Գորիսի «Ոսմար» ճանապարհաշինական ընկերության աշխատակիցները։ Նախարարությունը խոստանում է տալ լրացուցիչ տեղեկատվություն: