![](/static/articles/07/23/78/l-cEjfOMqOYo.jpg)
Հայկական խաղ՝ 200 հազար ներբեռնումով
«Նախկինում տարբեր խաղերի վրա արդեն աշխատած, խաղեր սիրող ընկերներ, որոնք մի օր որոշեցին միավորվել և խաղեր ստեղծել»,- Parallyzed խաղի ստեղծման նախապատմությունը այսպես է բնութագրում դրա հեղինակներից Արբակ Մարտիրոսյանը։
Նա, Սարգիս Սարգսյանը, Անուշ Առաքելյանը, Արամ Ասատրյանը, Արմեն Տիրատուրյանը և Խաչատուր Բադալյանը այս տարվա ապրիլից սկսեցին աշխատել «Parallyzed» խաղի ստեղծման վրա և արդեն սեպտեմբերին ներկայացրին խաղի՝ Google Play-ի տարբերակը։ Խաղի անվանումը ստեղծվել է Parallel՝ զուգահեռ ու parallyzed՝ կոմայի մեջ ընկած/կաթվածահար բառերի բառախաղից: Խաղի հերոսներից մեկը մի պահ կոմայի մեջ է ընկնում և խաղը դրանից սկսվում է։
Աշխատանքային թիմի համար ի սկզբանե խաղի գաղափարը շատ հասարակ է եղել. ունեցել են միայն հիմքային գաղափարը`գունավոր օբյեկտները տեղերով փոխել շարժման ընթացքում: Այնուհետ, խաղը նախագածելիս, զարգացրել են դրա «բովանդակային» մասը։
Վերջնական «տեսքի բերելիս» ստացվել է արկածային ժանրի խաղ, որի հերոսուհիները երկուսն են` Կարմիրը և Կապույտը: Նրանք զուգահեռ վազում են 2 հարկերի վրա, և ի տարբերություն նմանատիպ շատ այլ խաղերի, Parallyzed-ում խաղացողների ամեն մեկի գործողությունը անդրադառնում է երկուսի վրա էլ: Այսինքն՝ երբ խաղացողը սեղմում է «թռչել» ստեղնը, երկուսն էլ թռչում են, սակայն խաղում դժվարությունն այն է, որ տարբեր «հարկերի» վրա խոչընդոտները յուրահատուկ են ամեն մեկի համար:
Խոսելով իրենց թիմի հաջողության մասին՝ Արբակը առանձացնում է իրենց ստեղծած մյուս խաղը՝ Roofbot-ը, որը սեպտեմբեր ամսին ընդգրկվել է «Google» ընկերության կազմակերպած «Լավագույն անկախ խաղերի փառատոնի» եզրափակիչի մասնակիցների ցուցակում: Ապա, հոկտեմբերին թիմը թողարկել է խաղի iOS տարբերակը, որն անմիջապես ընդգրկվել է Apple-ի «New games we love»` շաբաթվա լավագույն խաղերի ընտրանու մեջ՝ զբաղեցնելով բարձր սանդղակներ ԱՄՆ-ի, Չինաստանի և Կանադայի խոշոր շուկաներում:
Այժմ ստեղծագործական թիմը ուժերը կենտրոնացրելէ Steam հարթակի` համակարգիչների համար տարբերակի մշակման վրա: Ինչպես նաև արդեն մշակելու են նոր խաղեր։
«Անում ենք այն գործը, որով սիրում ենք զբաղվել` չձգտելով նմանակվել որևէ մեկին, և փորձում ենք դա անել առավելագույնս լավ: Իսկ թե ուր կհասնենք, մեծապես կախված է նաև մեր լսարանի գնահատականից»,- ասում է Արբակը։
App Store-ում և Google Play-ում միասին «Parallyzed»-ը արդեն ունի 200 000-ից ավել ներբեռնում:
Խաղի՝ Google Play-ի տարբերակի ներբեռնումը անվճար է, սակայն այնտեղ հասանելի են Level-ների մոտ 20%-ը. մնացածը խաղալու համար պետք է վճարել $2.99:
Մեկնաբանել