Նոյեմբերի 22-ին ոստիկանության Արաբկիրի բաժնում հաղորդում էր ստացվել, որ Սիրահարների զբոսայգում ծեծել են 86-ամյա Միսակ Գ.-ին: Երկու օր անց հիվանդանոցից ոստիկանության նույն բաժնում հաղորդում ստացվեց, որ ազդրոսկրի կոտրվածքով իրենց մոտ բուժօգնության է դիմել Միսակ Գ.-ն՝ հայտնելով, որ վնասվածքն ստացել է Սիրահարների զբոսայգում ընկնելու հետևանքով:

Ոստիկանության ծառայողների ձեռնարկած միջոցառումների շնորհիվ պարզվեց, որ Միսակ Գ.-ն վնասվածքըստացել է նոյեմբերի 22-ին Սիրահարների զբոսայգում 49-ամյա Տիգրան Բ.-ի հետ վիճաբանության և քաշքշուկի ժամանակ վայր ընկնելու հետևանքով:

«Միսակ Գ.-ին տրվել է դատաբժշկի ուղեգիր: Հանգամանքները պարզվում են: Կատարվում է հետաքննություն»,- հայտնում է ոստիկանությունը: