Այսօր Հայաստանի ազգային գրադարանում տեղի ունեցավ Յուրա Պետրոսյանի կազմած «Նարեկացու հետ» գրքի շնորհանդեսը:

Գրական այս հանրագիտակն ամփոփում է Նարեկացու ստեղծագործությունները, նրան նվիրված շուրջ 150 հոդված ու նյութ, 600 լուսանկար, պատկեր-խոյակներ, հայաստանյան, կիլիկյան, Վասպուրականի մանրանկարներ, կերպարվեստի գործեր:

Ժողովածուում տեղ են գտել նաև նշանավոր գրողների և արվեստագետների ստեղծագործությունները՝ նվիրված Նարեկացուն և նրա ստեղծագործություններին (Վիլյամ Սարոյան, Մանուկ Աբեղյան, Հովհաննես Թումանյան, Ավետիք Իսահակյան, Լևոն Շանթ, Մարտիրոս Սարյան, Եղիշե Չարենց, Պարույր Սևակ ): Ամփոփված են նաև աշխարհի մեծերի՝ Դանթեի, Գյոթեի, Բախի, Դոստոևսկու խոսքերը Նարեկացու մասին:

Առանձին վերնագրերով ներկայացված է Նարեկացին կերպարվեստում, հայկական մանրանկարներում, երաժշտության մեջ և այլն:

ՀՀ մշակույթի նախարարության կայքի տեղեկացմամբ՝ գիրքը լույս է տեսել 2011թ., նվիրված է հայկական տպագրության 500-ամյակին: