Տեսանյութեր
Լուսանկարներ
Ըստ ԿԳ նախարարի՝ մագիստրատուրայի կրթական որակը պետք է բարձրացվի
Երևանում բացվել է «Ուսուցումը Հայաստանում-2011» կրթական ավանդական ցուցահանդես, որին մասնակցել է կրթության և գիտության նախարար Արմեն Աշոտյանը: Նա նշել է, որ բուհերում, ի թիվս այլ խնդիրների, առկա է պրակտիկաներն արդյունավետ անցկացնելու խնդիրը, քանի որ հաճախ դրանք աննպատակ են անցնում և ձևական բնույթ են կրում։
«Բուհերը պարտավոր են մոտակա տարիներին պրակտիայի համար ավելի լայն հնարավորություններ ստեղծել: Խնդիր է նաև մագիստրատուրայի կրթության որակն ու բովանդակությունը: Ուսանողները բողոքում են, որ մագիստրատուրան բակալավրի ծրագրի թույլ կրկնությունն է։ Ուստի կրթության և գիտության նախարարության գերակա ուղղություններից մեկն է լինելու մագիստրատուրայի կրթական որակի բարձրացումը, որպեսզի նման հարցերի առջև չկանգնենք»,- ասել է Ա. Աշոտյանը։
Նախարարը շրջել է ցուցահանդեսի մասնակից` ՀՀ-ում գործող շուրջ 30 կրթական հաստատությունների տաղավարներով, որոնցում ներկա գտնվող ուսանողները ներկայացրել են իրենց բուհերի առավելությունները: Ինչպես հայտնում են ԿԳՆ մամլո ծառայությունից, ցուցահանդեսը կտևի երեք օր: Նախատեսված են ինչպես ուսանողների, այնպես էլ բարձր դասարանների աշակերտների այցելություններ:
Մեկնաբանել