Նախօրեին կառավարության նիստի ժամանակ վարչապետ Տիգրան Սարգսյանն ակնհայտ «մուննաթով» է խոսել ազգային վիճակագրական ծառայության ղեկավար Ստեփան Մնացականյանի հետ, ինչը կարող է պայմանավորված լինել հոկտեմբեր ամսվա պաշտոնական ցուցանիշներով:

«ՉԻ» - Տիգրան Սարգսյանը, իհարկե, հասկանում է, որ չի կարելի սեփական փնթի տեսքի համար բարկանալ հայելու վրա: Եվ եթե դա հասկանալով, այնուամենայնիվ, բարկանում է, նշանակում է՝ դիմացինը հայելի չէ:

Իսկապես, եթե Հայաստանը նորմալ երկիր լիներ, վիճծառայության պետը պիտի դժգոհեր վարչապետից (եւ ոչ միայն նա): Բայց վարչապետի «մուննաթը» շատ պարզ ենթատեքստ ունի. «Արա, ես գլխիս սարքում ե՞ս, կարո՞ղ ա՝ ես չգիտեմ, թե էդ թվերը ոնց ես նկարում: Բա ինչի՞ էս ամիս էլ չես նկարել: Նայի, հա, մյուս անգամ չկրկնվի»: