Այսօր «Ժառանգություն» կուսակցությունը հրավիրել է քաղաքական խորհրդի հատուկ նիստ, որին մասնակցել են շուրջ հիսուն պատվիրակներ Հայաստանի տարբեր մարզերից, այդ թվում՝ ներկայացուցիչներ կուսակցության կանանց խորհրդից եւ երիտասարդական թեւից: Այս մասին տեղեկացնում է կուսակցության լրատվական ծառայությունը:

Րաֆֆի Հովհաննիսյանի նախագահությամբ խորհուրդը, ըստ հաղորդագրության, ընդլայնված կազմով քննարկել է հանրապետությունում եւ նրա շուրջ տիրող քաղաքական իրավիճակը՝ ուշադրության կիզակետում պահելով հաջորդ տարվա խորհրդարանական ընտրությունների շեմին ծավալվող զարգացումներն ու հնարավոր տարբերակները: