Տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ Երևան-Երասխ-Գորիս-Մեղրի միջպետական ավտոճանապարհի 249-250-րդ կմ-ում`Գորիս-Որոտան հատվածում, նոյեմբերի 20-ին՝ ժամը 6:00-ի սահմաններում, տեղի է ունեցել քարաթափում:
Խոշոր ժայռաբեկորները՝ մոտ 100 խմ ծավալով, երկկողմանի փակել էին ճանապարհը: 
Գորիսի տարածաշրջանը սպասարկող «Ոսմար» ՍՊ ընկերության ճանապարհաշինարարների կատարած աշխատանքների արդյունքում ճանապարհի երթևեկությունը միակողմանի վերականգնվել է:
Այժմ աշխատանքներ են տարվում երկկողմանի երթևեկության ապահովման ուղղությամբ: Կտրվի լրացուցիչ տեղեկատվություն: