HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Վանաձորցի 8-ամյա Սարիբեկի ռեկորդը գրանցվեց Assist world records research foundation- ում

Գայանե Սարգսյան

8-ամյա Սարիբեկ Մոսինյանին  լոռեցիները դեռ տարիներ առաջ էին կնքել «Հրաշամանուկ» անվամբ: 

Սարիբեկի ռեկորդային ճանապարհն սկսվել է 5 տարեկանից: Ներկայումս նա թվով 6 ռեկորդ ունի գրանցած Հայաստանի Դյուցազնագրում:

 «Սարոն փոքրուց շատ մեծ ուժ ուներ: Երբ 4 տարեկանը լրացավ, ուղարկեցինք կարատեի:  Այնտեղ մի վարժություն էր  հավանել՝ կքանիստը, որն ինձ հաճոյանալու համար տանը հաճախակի կատարում էր: Եվ մի օր, երբ սկսեցի հաշվել, տեսա որ օրվա մեջ 100 կքանիստ անելուց հետո իր մոտ ոչ մի փոփոխություն չկա, մոտը հոգնածություն չկա: Ես էի դադարեցնում, իսկ ինքն անընդհատ պնդում էր, որ էլի է ուզում անել:Մի օր էլ չդադարեցրի ու կքանիստը հասցրեց 1000-ի»,- պատմում է հայրը:

Ռեկորդը գրանցելու համար 2013թ.-ի մարտին Դյուցազնագրի ներկայացուցիչները գալիս են Վանաձոր: Հանդիսատեսի առաջ Սարիբեկը գրանցում է իր առաջին ռեկորդը. ձեռքերը գլխի ետևում 1111  կքանիստ՝  32 րոպեում:

Մի քանի ամիս անց՝ հունիսի 1-ին՝ Երեխաների պաշտպանության միջազգային օրը Սարիբեկը գերազանգում է իր իսկ ռեկորդը՝ 57 րոպեում   2013 կքանիստ կատարելով:

Հաջորդ երկու ռեկորդները տղան կատարում է 2014թ.-ին. 60 վայրկյանում 70 կքանիստ և երեք մատով հենում-ձգում վարժությունը՝ 60 վայրկյանում 83 անգամ:

Հերթական ռեկորդի միտքը Մոսինյանների մոտ հղանում է 2014թ.-ի ամռանը, երբ Վանաձորում անց էր կացվում բարեգործական համերգ՝ դերասան Կարեն Մկրտչյանին աջակցելու նպատակով:

«Սարոն որոշեց իր այդ ռեկորդով սատարել Կարեն Մկրտչյանին ու այդ ձևով մասնակցել բարեգործական ծրագրին»,- նշում է հայրիկը:

1 տոննա 70 կգ քաշով «Լադա» մակնիշի ավտոմեքենան Սարիբեկը հրեց 44 մետր՝ մինչ առաջիկա պատնեշը: 7-ամյա տղայի ուժը փորձարկելու համար երեք երիտասարդներ նստեցին մեքենան՝ քաշն ավելացնելով շուրջ 200 կգ-ով: Տղան այս դեպքում ևս նույն թեթևությամբ հրեց մեքենան՝ հասցնելով պատնեշի սահմանագծին:

Եղբոր քայլից ոգևորված 3-ամյա Ալենը հայրիկի խնդրում է թույլ տալ, ինքն էլ փորձի հրել:

«Ասեցինք՝ փորձի, չպատկերացնելով, որ կստացվի»,-ժպտում է հայրը:

Ստացվում է. Ալենը մեքենան հրում է՝ այն առաջ տանելով 40 մետր:

Սարբեկը հաջողություններ է գրանցել նաև կարատե մարզաձևից՝ զբաղեցնելով մրցանակային տեղեր հանրապետական առաջնություններում:

Հայրը հպարտ է ու պատրաստակամ՝ պետք է շարունակեն առաջ շարժվել: Նախորդ տարի տված հարցազրույցի ժամանակ Սարիբեկն ասել էր՝ երազում եմ, որ ինձ ճանաչեն ամբողջ աշխարհում:

Այսօր արդեն ճանաչելի դառնալու առաջին քայլն արված է:

Ուղղում

Այս հոդվածում սխալ տվյալ է հրապարկվել, որի համար «Հետք»-ը ներողություն է խնդրում իր ընթերցողներից: Հոդվածում նախապես նշվել էր, որ Սարիբեկի հաջողությունները գրանցվել են «Գինեսի» ռեկորդների գրքում, ինչն իրականությանը չի համապատասխանում: 

 

Մեկնաբանություններ (3)

Сейран
Дорогие мосиняны, Вы из Одзуна или из село Санаина. Прошу сообщите по номеру 094-07-12-13 Сейрану Мосиняну /Ереван/
Ani
երեք մատների վրա հենված 1 րոպեում 83 անգամ հենում-ձգում վարժությունը գրանցվել է Գինեսի գրքում:
Silver
Ստեղ որտե՞ղ գինեսի ռեկորդ տեսաք։ Ես ինչ-որ assistworldrecords.com եմ տեսնում, որը Գինեսի հետ որեւէ կապ չունի։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter