Տեսանյութեր
Լուսանկարներ
Բանակցություններ են ընթանում Անգոլայից ադամանդի հումքի ձեռքբերման համար
Հայաստանը կձգտի Ռուսաստանից ստանալ ադամանդի հնարավորինս որակյալ և մատչելի հումք, բանակցություններ են ընթանում նաև Անգոլայից ադամանդի հումքի ձեռքբերման ուղղությամբ։ Այս մասին ասել է տնտեսական զարգացման և ներդրումների նախարար Սուրեն Կարայանը` ադամանդագործության և ոսկերչության ոլորտի ներկայացուցիչների հետ հանդիպում-քննարկման ժամանակ։
Նախարարությունը հայտնում է, որ հանդիպմանը մասնակցել են ոլորտի քսանից ավելի ընկերությունների ղեկավարներ և ներկայացուցիչներ։ Նրանց հետ քննարկվել է պետական աջակցության և պետության միջնորդության անհրաժեշտությունը միջազգային ցուցահանդեսներին ոլորտի ընկերությունների մասնակցության և նոր շուկաներ մուտք գործելու հարցում, ինչպես նաև Ռուսաստանի Դաշնությունից անմշակ ադամանդի որակյալ հումքի ձեռքբերման, ընկերությունների, հատկապես մայրաքաղաքից դուրս, լեռնային շրջաններում գործող ընկերությունների, ֆինանսական և մի շարք այլ խնդիրների լուծման հարցում։
Ներկայացվել է նաև ադամանդագործության և ոսկերչության ոլորտի 2017-2020թթ․ զարգացման` նախարարության կողմից մշակված ծրագրի նախագիծը։ Սուրեն Կարայանի խոսքով` ոլորտում կատարվել է որոշակի նախապատրաստական աշխատանք ընթացկարգերի պարզեցման ուղղությամբ, մասնավորապես՝ լիցենզավորման գործընթացում:
Նախարարության տեղեկատվության բաժինը հրապարակել է նաև համառոտ տեղեկանք Հայաստանում ադամանդագործության և ոսկերչության ոլորտի վերաբերյալ, ըստ որի` այն ունի «զարգացման զգալի ներուժ և որպես նոր արդյունք ստեղծող կարևոր ճյուղ առաջիկայում ևս ունակ է հանդիսանալու նտեսական զարգացման առաջնային ուղղություններից մեկը»:
Ադամանդագործության և ոսկերչության ոլորտի ցուցանիշները, համաձայն ՏԶՆ նախարարության հաղորդագրության, տևական անկումից հետո այս տարի կտրուկ աճել են: Ազգային վիճակագրական ծառայության հրապարակած` ադամանդագործության և ոսկերչության 2010-2015թթ․ տարեկան համեմատական ցուցանիշները ներկայացված են աղյուսակում.
|
Տարի |
2010 |
2011 |
2012 |
2013 |
2014 |
2015 |
|
Ադամանդիարտադրություն, մլրդդրամ |
5,38 |
8,28 |
10,29 |
14,54 |
6,1 |
14,58 |
|
Աճ (նվազում) նախորդտարվահամեմատ,% |
x |
53,8 |
24,3 |
41,1 |
(58,9) |
139,1 |
|
Ոսկերչականզարդերիարտադրություն, մլրդդրամ |
4,05 |
3,88 |
4,36 |
4,28 |
4,2 |
3,3 |
|
Աճ (նվազում) նախորդտարվահամեմատ,% |
x |
(4,2) |
12,5 |
(1,8) |
(1,8) |
(21,5) |
2016թ. հունվար-հոկտեմբեր ժամանակահատվածում ադամանդի արտադրությունը կազմել է 24 մլրդ դրամ (այս ցուցանիշը ամենաբարձրն է 2008 թվականից հետո)` 2015թ․ նույն ժամանակահատվածում եղել է 11,5 մլրդ դրամ: Աճը կազմել է 108 տոկոս:
Ոսկերչության մեջ հունվար-հունիս ժամանակահատվածում արտադրվել է 1,98 մլրդ դրամի ապրանքային արտադրանք` անցյալ տարվա նույն ժամանակահատվածի 1,59 մլրդ դրամի դիմաց: Աճը կազմել է 24 տոկոս:
Տնտեսական զարգացման և ներդրումների նախարարությունը 2016թ․ տարեվերջին ակնկալում է ադամանդի արտադրության կրկնակի աճ (100%) 2015թ․ համեմատությամբ։
լուսանկարը` angolafieldgroup.com
Մեկնաբանել