2016 թվականի նոյեմբերի 28-ին տեղեկատվության հրապարակային աղբյուրներում տեղեկություններ են տարածվել այն մասին, որ «Փոքր Մհեր» կրթահամալիր պետական ոչ առևտրային կազմակերպության տնօրենը պարբերաբար սպառնալիքներ և անպարկեշտ արտահայտություններ է հնչեցրել կրթահամալիրի սաների հասցեին՝ նվաստացնելով նրանց արժանապատվությունը:

Մարդու իրավունքների պաշտպանի աշխատակազմը տեղեկացնում է, որ երեխաների իրավունքների պաշտպանության և նրանց շահերի ապահովման նպատակով ՄԻՊ որոշմամբ սկսվել է սեփական նախաձեռնությամբ քննարկման ընթացակարգ ու իրականացվել է անհապաղ այց «Փոքր Մհեր» կրթահամալիր:

Հիշեցնենք, որ երեկ կրթության և գիտության նախարարությունը հայտնել էր, որ կրթահամալիրում ստեղծված իրավիճակն ուսումնասիրելու նպատակով աշխատանքային խումբ է ձևավորվել:

լուսանկարը` mil.am