Համաձայն ազգային վիճակագրական ծառայության տվյալների՝ 2016թ. հունվար-սեպտեմբերին ներքին զբոսաշրջությունը, համեմատած 2015 թվականի հունվար-սեպտեմբերի, աճել է 11 %-ով։ Հանրապետության տարածքում հյուրանոցային տնտեսության օբյեկտներում տեղաբաշխված զբոսաշրջիկների թվաքանակը 2016-ի հունվար-սեպտեմերին կազմել է 867 495 մարդ։

2015թ. հունվար- սեպտեմբերն հաշվառվել էր 781 714 զբոսաշրջիկ, իսկ 2016-ի նույն ժամանակահատվածում՝ 867 495 զբոսաշրջիկ։

Ներքին զբոսաշրջության ցուցանիշը մեծամասամբ կազմում են հանգստի և ժամանցի մեկնողները, որոնք էլ հիմնականում ապահովել են այս տարվա զբոսաշրջության ցուցանիշի աճը, այնուհետ գերակշռում են գործնական այցով մեկնածների թվաքանակը։