Ժամը 17:30-ի դրությամբ, Արթիկի, Ախուրյանի, Աշոցքի, Սևանի, Դիլիջանի, Ապարանի, Արագածի, Ստեփանավանի, Տաշիրի, Վայքի տարածաշրջանների ավտոճանապարհներին ձյուն է տեղում:

Ջաջուռի, Քեթիի և Վարդենյաց լեռնանցքներում տեղ-տեղ մերկասառույց է: 

Տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ նշված ճանապարհներին սպասարկող ճանապարհաշինական ընկերություններն իրականացնում են շուրջօրյա հսկողություն և կատարում մաքրման ու աղով, ավազով մշակման աշխատանքներ:

Արտակարգ իրավիճակների նախարարությունը հավելում է, որ մերկասառույց է նաև Ապարանի տարածաշրջանի ավտոճանապարհներին:

Միջպետական և հանրապետական նշանակության բոլոր ավտոճանապարհները բաց են:

Վրաստանի ՆԳՆ ԱԻ դեպարտամենտից ստացված տեղեկատվության համաձայն` Լարսի անցակետը բաց է բոլոր տեսակի ավտոմեքենաների համար:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել  բացառապես ձմեռային անվադողերով։

լուսանկարը` mtc.am