Տրանսպորտի, կապի և տեղեկատվական տեխնոլոգիաների նախարարությունը տեղեկացնում է,  որ դեկտեմբերի  6-ին՝ ժամը 09:30-ի դրությամբ, Վարդենիսի, Մարտունու, Վայքի, Գորիսի, Կապանի, Մեղրու տարածաշրջանների ճանապարհներին և Վարդենյաց  լեռնանցքում ձյուն է տեղում:

Վարդենյաց լեռնանցքը դժվարանցանելի է մերկասառույցի և մառախուղի պատճառով (տեսանելիությունը՝  50-80 մ):

Նշված ճանապարհները սպասարկող ճանապարհաշինական ընկերությունները, ըստ նախարարության, իրականացնում են շուրջօրյա հսկողություն և կատարում մաքրման ու աղով, ավազով մշակման աշխատանքներ: Միջպետական և հանրապետական նշանակության բոլոր ավտոճանապարհները, ըստ նախարարության, բաց են:

Վթարներից, պատահարներից և խցանումներից խուսափելու համար նախարարությունը նվարորդներին խորհուրդ է տալիս երթևեկել  բացառապես ձմեռային անվադողերով։ Տրանսպորտի, կապի և տեղեկատվական տեխնոլոգիաների նախարարությանը Վրաստանի ճանապարհային  դեպարտամենտից տեղեկացնում են, որ Ստեփանցմինդա- Լարս  ավտոճանապարհը  դեկտեմբերի  6-ին բաց է միայն  մարդատար ավտոմեքենաների համար: