HY RU EN

Գրիշա Բալասանյան

ՊԵԿ-ը երկու հողամաս է գնել Դիլիջանում

Այս տարվա նոյեմբերի 21-ին Պետական եկամուտների կոմիտեի և Դիլիջանի համայնքապետարանի միջև կնքվել է հողամասի առուվաճառքի երկու պայմանագիր: Դիլիջանի համայնքապետարանը ՊԵԿ-ին է վաճառել նախ՝ 1054,5 քմ մակերեսով հողամաս, որը գտնվում է քաղաքի Պարզ լճի փողոցում:

Այս պայմանագրի գինը կազմել է մոտ 1 միլիոն 310 հազար դրամ:

Երկրորդ պայմանագրով՝ նույն փողոցի 5/1 հասցեում ՊԵԿ-ը համայնքապետարանից գնել է այս անգամ արդեն 4000 քմ մակերեսով հողատարածք: ՊԵԿ-ը այս հողատարածքի համար համայնքին վճարել է 4 միլիոն 968 հազար դրամ:

Նշենք, որ այդ տարածքում է գտնվում ՊԵԿ-ի Դիլիջանի ուսումնական կենտրոնը, որի վրա պետական միջոցներից ահռելի գումարներ են ծախսվել: