Արարատյան հայրապետական թեմի առաջնորդ Նավասարդ Կճոյանի շուրջ նոր գործընթացներ են սպասվում. վերջինիս անունն էլի հոլովվում է մի աղմակահարույց պատմության շրջանակներում:

Բանն այն է, որ նրա սանիկը` ՀՀ քաղաքացի Մհեր Ավետիսյանը, 12 մլն ԱՄՆ դոլար է «քցել» մի քաղաքացու, որը բավականին լուրջ անձնավորություն է Ռուսաստանի Դաշնությունում: Հարուցված քրեական գործը քննել է ՀՀ ազգային անվտանգության ծառայությունը, սակայն Կճոյանի սանիկին այնքան լուրջ աջակցություն է ցուցաբերվել վերևներից, որ գործը պարզապես «ջրել» են` ապավինելով այն մտքին, որ «քցված» ներդրողը չի բողոքի, և այս պատմությունը հրապարակային չի դառնա:

Ի դեպ, Մհեր Ավետիսյանի ախորժակը ուտելուց է բացվել: Մինչև 12 մլն ԱՄՆ դոլարին հասնելով, անհասկանալի գործարքի արդյունքում, կորել է ևս մեկ քաղաքցու 8  մլն դոլարը:

Հիշեցննենք, որ Մհեր Ավետսյանը Կճոյանի այն սանիկն է, որին իր քավորին «Բենթլի» մակնիշի ավտոմեքենա էր նվիրել: Նկատենք, որ ավտոմեքենայի գինը` կախված մոդելից, տատանվում է 100-ից մինչև 500 հազար եվրոյի միջև: Բացի այս, Մհերն այն անձնավորությունն է, որին հաջողվեց Խանջյան փողոցի երկայնքով ձգվող այգին ոչնչացնել և այնտեղ միծ ռեստորանային համալիր կառուցել` «Josse» անունով, այստեղ կարելի է հանդիպել բազմաթիվ տժժացող «հոգևորականների»` հոգևորականի սև սքեմներով և քաղաքացիական հագուստով: Շրջանառվող խոսակցությունների համաձայն` Մհեր Ավետիսյանը գործունեություն է ծավալել և ծավալում Նավասարդ Կճոյանի բարձր հովանու ներքո, իսկ Կճոյանն էլ հովանավորվում է ՀՀ վարչապետ Տիգրան Սարգսյանի կողմից: Հիշեցնենք, որ ոչ վաղ անցյալում «Բենթլիի» թեմային զուգահեռ քննակվում էր այն իրողությունը, թե ինչու է ՀՀ վարչապետ Տիգրան Սրագսյանը զենքով պարգևատրել այս հոգևորականին: