Տրանսպորտի, կապի և տեղեկատվական տեխնոլոգիաների նախարարությունը տեղեկացնում է,  որ դեկտեմբերի 13-ին՝ ժամը 14:30-ի դրությամբ, Թալինի, Ապարանի, Սպիտակի և Աշոցքի տարածաշրջանների ավտոճանապարհներին ձյուն է տեղում: Վարդենյաց լեռնանցքում տեղ-տեղ մերկասառույց է:

Ըստ պաշտոնական հաղորդագրության` նշված ճանապարհները սպասարկող ճանապարհաշինական ընկերությունների աշխատակիցները կատարում են ճանապարհների մաքրման ու աղով, ավազով մշակման աշխատանքներ:

Նախարարությունը տեղեկացնում է, որ միջպետական և  հանրապետական  նշանակության  բոլոր ավտոճանապարհները բաց են: