Մշակույթի նախարարության նախաձեռնությամբ՝ Հայաստանի պետական երիտասարդական նվագախումբը կվերանվանակոչվի Հայաստանի պետական սիմֆոնիկ նվագախումբ: Հարցն ընդգրկված է գործադիրի առաջիկա նիստի օրակարգում:

Անվանափոխությունը, ըստ Մշակույթի նախարարության ներկայացրած նախագծի, նվագախմբին լայն հնարավորություն կընձեռի հանդես գալ միջազգային ասպարեզում եւ հավասար մրցակցություն ունենալ համաշխարհային տարբեր հարթակներում:

«Ներկայում նվագախում­բը հանդես է գալիս որպես լիովին կայացած, հասուն միավոր, որը յուրաքանչյուր տարի հանդիսատե­սին է մատուցում ավելի քան 65 համերգ` ներկա­յացնելով դասականից մինչև ժամանակա­կից կոմպոզիտորների ստեղ­ծագործություն­ներ ընդգրկող լայն երկա­ցանկ: Նվագախումբը հնարավորություն ունի Հայաս­տանը ներկայացնելու ամբողջ աշխարհում՝ իբրև երաժշտական պետություն: Սակայն անվանման մեջ «երիտասար­դական» բառը սահմանափակում է նրա՝ միջազ­գային ասպարեզում հանդես գալու հնարավորությունը, քանի որ աշխարհում երիտասար­դական նվագախմբերը չեն գործում հստակ համերգաշրջանի ցանկով եւ տարեկան հանդես են գալիս ընդամենը 3-ից 4 համերգներով եւ նույն ծրագրերով»,-նշված է նախագծում:

Անվանափոխությունից հետո նվագախումբը հնարավորություն կունենա հանդես գալու այլ հարթության վրա՝ համագործակցելով հա­մաշխարհային խոշոր գործակալությունների հետ:

Ի դեպ, Հայաստանի պետական երիտասարդական նվագախումբը 10 տար­վա ստեղծագործական գործունեու­թյան ըն­թացքում հանդիսա­տեսին ներ­կայաց­րել է ավելի քան 500 համեր­գային ծրագրեր, իրականացրել համերգ­ների առ­ցանց հեռարձակում եւ ստեղծել առցանց հեռարձակման հարթակ (SYOA-online TV): Նվագա­խմբի տե­սա-ձայնադարանը ընդգրկում է 700-ից ավելի ստեղծագոր­ծություններ, որոնց թվում են նաեւ հայ կոմպոզիտորի մոտ 200 ստեղծագործություններ: 

2016թ. նվագախմբի նախաձեռ­նությամբ անցկացվել է Արամ Խաչատրյանի անվան մի­ջազգային մրցույթը՝ դիրիժորություն մասնագիտությամբ: 

Նվագախմբի անվանափոխությունից հետո նախատեսվում է, որ «Հայաստանի պետական սիմֆոնիկ նվագախումբ» ՊՈԱԿ-ում կգործեն երեք կոլեկտիվ ուղղություններ՝ սիմֆոնիկ նվագախումբ, երիտասարդական նվագախումբ եւ երգչախումբ, որի կազմում կընդգրկվեն երիտասարդ կատարողներ Հայաստանի բոլոր մարզերից եւ Արցախից: