Կառավարության այսօրվա նիստի օրակարգում, որպես չքննարկվող հարց, ներառված էր սննդամթերքի անվտանգության պետական ծառայությանը 199 միլիոն դրամ հատկացնելու հարցը։

Ինչպես ներկայացված է կառավարությանը ներկայացված որոշման նախագծում՝ «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ի` ավելացված արժեքի հարկի գծով առաջացած պարտավորությունների մարմանն աջակցելու նպատակով գյուղատնտեսության նախարարության սննդամթերքի անվտանգության պետական ծառայությանը 2016 թվականի վերջին եռամսյակում կհատկացվի 199,098 հազ. դրամ` 2016 թվականի պետական բյուջեով նախատեսված կառավարության պահուստային ֆոնդի հաշվին։