Գլխավոր դատախազությունն ուսումնասիրել է «Փոքր Մհեր» կրթահամալիրում արձանագրված խախտումների վերաբերյալ զանգվածային լրատվամիջոցներում տեղ գտած հրապարակումները: Դատախազության լրատվական ծառայության հաղորդմամբ՝ Գլխավոր դատախազության պետական շահերի պաշտպանության վարչության կողմից ուսումնասիրությունների շրջանակներում գրություններ են ուղարկվել ՀՀ կրթության և գիտության նախարարություն ու ՀՀ Մարդու իրավունքների պաշտպանին, պահանջվել համապատասխան փաստաթղթեր և տեղեկատվություն:
Ուսումնասիրության արդյունքները Կոտայքի մարզի դատախազությունն ուղարկել է Քննչական կոմիտեի Կոտայքի մարզային քննչական վարչություն՝ Քրեական դատավարության օրենսգրքի 180-րդ  (Հանցագործությունների մասին հաղորդումների քննարկման կարգը) և 181-րդ (Հանցագործությունների մասին հաղորդումների քննարկման արդյունքում ընդունվող որոշումները) հոդվածների կարգով նյութեր նախապատրաստելու և ընթացքը լուծելու համար: