Այսօր' վաղ առավոտյան, ահազանգ է ստացվել, որ հրդեհ է բռնկվել Արմավիրի մարզի Մերձավան գյուղում' «Պոլիմերտրուբ» գործարանի տարածքում:

Դեպքի վայր են մեկնել երկու մարտական հաշվարկ: Ժամը 06.50-ին հայտարարվել է հրդեհի բարդության «1 բիս» կանչ: Այնուհետու դեպքի վայր են մեկնել եւս երկու մարտական հաշվարկ եւ Փրկարար ուժերի վարչության հրդեհաշիջման շտաբը: Հրդեհը մարվել է 07.25-ին: Գործարանի պոլիէթիլենային արտադրամասի տարածքում այրվել է հոսքագիծ' 500 քմ. մակերեսով: