Այս տարվա նոյեմբերի 30-ի դրությամբ ԱՊՊԱ պայմանագիր ունեցող ավտոտրանսպորտային միջոցների քանակը Հայաստանում կազմել է 459 152, ինչը նախորդ ամսվա համեմատ աճել է 4 139-ով: Իսկ մեկ տարվա կտրվածքով (2015-ի նոյեմբերի վերջին գրանցված ցուցանիշի համեմատ) ապահովագրված մեքենաների քանակը Հայաստանում 13 503-ով է ավելացել։ Այս մասին են վկայում Հայաստանի ավտոապահովագրողների բյուրոյի տվյալները։

Ըստ ապահովագրված մեքենաների քանակի՝ ապահովագրական ընկերություններից ամենամեծ կշիռը շարունակում է պատկանել «Ռոսգոսստրախ‐Արմենիա» ընկերությանը։ Իսկ ամենափոքր կշիռը «Արմենիա Ինշուրանս»-ինն է։

Ըստ Հայաստանի ավտոապահովագրողների բյուրոյի տվյալների

Բյուրից տեղեկանում ենք, որ նոյեմբերին ապահովագրական ընկերությունները ԱՊՊԱ-ի գծով պարտավորվել են հաճախորդներին վճարել 926 մլն դրամ (դա քաղաքացիներից ստացված և բավարարված դիմումների գծով վճարված (վճարվելիք) հատուցումների ընդհանուր գումարն է): Հոկտեմբերի համեմատ այս ցուցանիշը 74 մլն դրամով աճել է։

Նոյեմբերին բավարարված մեկ դիմումի գծով հատուցման միջին չափը 2016թ. նոյեմբեր ամսվա դրությամբ կազմել է 195 900 ՀՀ դրամ:

Իսկ հատուցումների առանձին տեսակները ունեն հետևյալ տեսքը (հազար ՀՀ դրամ).