Այսօր՝ ժամը 02:00-ի սահմաններում, Երեւանի Իսակովի պողոտայում 30-ամյա Գևորգ Գալստյանը, վարելով «ՎԱԶ 2107» մակնիշի Տ 7774 համարանիշի ավտոմեքենան, ընդհարվել է իր առջևից երթևեկող Արմեն Սարգսյանի վարած «Մերսեդես Բենց» մակնիշի 09 PP 909 համարանիշի ավտոմեքենային:

Ինչպես հայտնում է ֆոտոլրագրող Գագիկ Շամշյանը, վթարի հետևանքով «ՎԱԶ 2107»-ի վարորդ Գ. Գալստյանը տեղափոխվել է «Էրեբունի» բժշկական կենտրոն, իսկ «Մերսեդես Բենց»-ի ուղևոր Անուշ Սարգսյանը՝ «Մալաթիա» բժշկական կենտրոն:

Ավտոմեքենաները տեղափոխվել են ՃՈ տուգանային հրապարակ:

Լուսանկարները՝ Գագիկ Շամշյանի