Թեմա` խորհրդածելու համար

Այսօր գրեթե բոլոր լրատվամիջոցները կգրեն «ՎիվաՍել-ՄՏՍ»-ի գործադիր տնօրեն Ռալֆ Յիրիկյանի հերքումն այն մասին, թե ինքը քաղաքական հավակնություններ չունի և չի մասնակցի ՀՀ նախագահական առաջիկա ընտրություններին: Հերքման մեջ նշվում է, թե ինքը «չի համապատասխանում թեկնածու առաջադրվելու համար պահանջվող չափանիշներից և ոչ մեկին»:

Բայց...

Բայց Ռալֆ Յիրիկյանը կարող է հավակնել ՀՀ վարչապետի պաշտոնին, որի համար վերոհիշյալ չափանիշները չեն գործում: Ինչպես ինքն է հաճախ պնդում, քաղաքական պաշտոնի չի ձգտում: Իսկ վարչապետի պաշտոնը, ըստ էության, քաղաքական չէ: Պետք է լավ մենեջեր լինել: Իսկ Յիրիկյանը բազմիցս ապացուցել է, որ ինքը ուժեղ մենեջեր է: Լինելով ռուսական կազմակերպության ղեկավար` նա «ձեռք է տալիս» Կրեմլին: Լինելով արտերկրից` «ձեռք է տալիս» արևմուտքին: Ժողովրդի կողմից սիրված ու ընդունված կերպար է: Արդյո՞ք նրան չեն «պատրաստում» վարչապետի պաշտոնի համար:

Մանավանդ, որ երբեք կոռուպցիայի մեջ թաղված չի եղել և երբևէ «վալյուտային խաղեր» չի տվել: