Կառավարությունը չքննարկվող կարգով ընդունեց առողջապահության փոխնախարար Սերգեյ Խաչատրյանի ներկայացրած` «Ցիտո ֆարմ» սահմանափակ պատասխանատվությամբ ընկերությանը երեք տարի գործողության ժամկետով թմրամիջոցների և հոգեմետ նյութերի և կառավարության սահմանած՝ դրանց պրեկուրսորների արտահանման, ներմուծման և մեծածախ առևտրի գործունեության իրականացման լիցենզիա տրամադրելու որոշման նախագիծը:

Կառավարությանը ներկայացված որոշման նախագծում նշված է, որ նախագծի մշակմանը մասնակցել է առողջապահության նախարարության աշխատակազմի լիցենզավորման գործակալությունը և դրա ընդունումով պետական բյուջեի եկամտային և ծախսային մասերում  փոփոխություններ չեն սպասվում:

Ի դեպ, 2014 թվականի հունվարի 9-ին ևս կառավարության որոշմամբ այս ըներությանը երեք տարի ժամկետով տրամադրվել էր լիցենզիա՝ թմրամիջոցների ու հոգեմետ նյութերի ներմուծման, արտահանման ու մեծածախ առևտրի գործունեության իրականացման համար։