Հայաստանի հանքարդյունաբերության ոլորտում շարունակվում է գրեթե երկնիշ աճ գրանցվել՝  թեև 2015-ի համեմատ աճի տեմպերը բավականին նվազել են։

2016թ. հունվար-նոյեմբեր ամիսներին Հայաստանի հանքարդյունաբերության ոլորտում արդյունահանման և հանքերի շահագործման ընդհանուր ծավալը կազմել է մոտ 232.9 մլրդ դրամ։ 2015-ի նույն ժամանակաշրջանի համեմատ այն ավելացել է 9.8%-ով։

Հանքարդյունաբերության աճը հիմնականում ապահովել է մետաղական հանքաքարի արդյունահանման  ոլորտը։ 2015-ի հունվար-նոյեմբերի համեմատ այս ոլորտում գրանցվել է 10% աճ։ Իսկ հանքագործական արդյունաբերության և բացհանքերի շահագործման այլ ճյուղերը, որոնց կշիռը բավականին փոքր է, ապահովել են ծավալների 0.6% աճ:

Հիշեցնենք, որ 2015 թվականին Հայաստանում հանքարդյունաբերության ոլորտում գրանցվեց ծավալների 50.4%  աճ՝ մեծապես պայմանավորված մետաղական հանքաքարի արդյունահանման ոլորտի ծավալների ընդլայնմամբ։