Հայաստանը հաստատեց իր մասնակցությունը «Աստանա Էքսպո-2017» համաշխարհային ցուցահանդեսին։ Այսօր ՀՀ տնտեսական զարգացման և ներդրումների նախարար Սուրեն Կարայանը և նշված  ցուցահանդեսի գլխավոր հանձնակատար Ռապիլ Ժոշիբաևը այդ մասին պայմանագիր ստորագրեցին։

«Աստանա Էքսպո 2017»-ն այս տարի կկայանա հունիսի 10-ից մինչև սեպտեմբերի 10-ը՝ Ղազախստան մայրաքաղաք Աստանայում։ Այն իրականացվելու է «Էքսպո» միջազգային ցուցահանդեսի շրջանակներում։  Այն կրելու  է «Ապագայի էներգիա» խորագիրը։ Կցուցադրվեն վերջին տարիների կանաչ էներգետիկայի զարգացման բնագավառի ձեռքբերումները։

Սպասվում է, որ ցուցահանդեսին կմասնակցեն աշխարհի շուրջ 100 երկրների ներկայացուցիչներ և մոտ 10 միջազգային կազմակերպություններ: