Վահագն Վարդևանյանի անվան 173 դպրոցում գործում է Ինֆորմացիոն տեխնոլոգիաների ձեռնարկությունների միության «Արմաթ» լաբորատորիաներից մեկը։

Այժմ այս լաբորատորիան ունի 50 աշակերտ։ Լաբորատորիայի աշակերտները ոչ միայն այդ դպրոցից են, այլև Շենգավիթ վարչական շրջանի այլ դպրոցներից։

Խմբակը գործում է 2015 թվականի փետրվար ամսից։ Ընդունելությունը խմբակում ազատ է. 9 տարեկանից բարձր յուրաքանչյուր անձ կարող է հաճախել՝ սովորելով խաղերի նախագծում և պատրաստում, ռոբոտաշինական աշխատանքներ, ծրագրավորման այլ դասընթացներ։

Արմաթցի այս երեխաները արդեն հասցրել են պատրաստել անօդաչու թռչող սարք (ԱԹՍ), ռոբոտներ, նախագծել մի քանի խաղեր, որոնցից որոշները հաղթել են տեղական մրցույթներում։