2016թ. հունվար-դեկտեմբերին արձանագրվել է 40 638 ծնունդ, որը, համեմատած 2015թ. նույն ժամանակաշրջանի հետ, նվազել է 2.7%-ով։ Իսկ եթե 2016-ին ծնվածների թիվը համեմատենք 2014-ի հետ, ապա կարձանագրենք, որ այն նվազել է գրեթե 3000-ով։

Հանրապետությունում 2016-ին առավել շատ ծնվել են տղա երեխաներ, որոնց քանակը աղջիկների ծնելիության ցուցանիշին գերազանցում է 2000-ով։ Բացի այդ, նշենք, որ տղաների ծնելիության մակարդակը 2014-2016 թվականներին մշտապես բարձր է եղել։

Պաշտոնական վիճակագրությամբ՝ նաև նվազել է մեռելածին երեխաների քանակը. 2016-ին այդպիսի 688 դեպք է գրանցվել։

Գծապատկերում նաև առանձնացրել ենք 2016թ. հունվար-դեկտեմբերին ծնված երեխաների համապետական ցուցանիշները՝ ըստ մարզերի

Անդրադառնալով մահացության դեպքերին

2016թ. հունվար-դեկտեմբերին արձանագրվել է մահացության 28 129 դեպք: 2015թ. համեմատ, մահվան դեպքերն աճել են՝ 0.9%-ով։ Նաև հավալենք, որ 2014 թվականից սկսած մահացության դեպքերը տարեցտարի ավելացել են։

Իսկ վիճակագրական ծառայության հաշվարկներով՝ բնակչության բնական հավելաճի (ծնունդների և մահերի տարբերությունը) բացարձակ մեծությունը 2016թ. hունվար-դեկտեմբերին կազմել է 12 509 մարդ, նախորդ տարվա համեմատ այն նվազել է 9.9%-ով։

Գրանցված մահացության դեպքերի 45 %-ը եղել է արյան շրջանառության համակարգի հիվանդությունների պատճառով, որին հաջորդել են չարորակ նորագոյացություններից մահացության դեպքերը։

Ամուսնությունների և ամսուսնալուծությունների մասին

2016-ին գրանցվել է ամուսնության 16 294 և ամուսնալուծության 3 648 դեպք։ Համեմատած 2015 թվականի հետ նվազել է և՜ ամուսնալուծությունների, և՜ ամուսնությունների թիվը։ Բացի այդ, 2016-ին համեմատած դրան նախորդող երկու տարիների,արձանագրվել է ամուսնությունների և ամուսնալուծությունների ամենացածր ցուցանիշը։ 

Իսկ եթե 2014-2016 թվականներին գրանցված ամուսնությունների և ամուսնալուծությունների թիվը միմյանց հետ համեմատության մեջ դնենք, ապա կստացվի այսպիսի պատկեր