Փետրվարի 2-ին և լույս 3-ի գիշերը ղարաբաղա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային, այդ թվում՝ դիպուկահար զինատեսակներից, հրադադարի պահպանման ռեժիմը խախտել է ավելի քան 30 անգամ՝ հայ դիրքապահների ուղղությամբ արձակելով շուրջ 440 կրակոց:

ԼՂՀ  ՊՆ  մամուլի ծառայությունը հայտնում է, որ Հարավարևելյան ուղղությամբ ադրբեջանական զինուժը կրակ է վարել ԻՍՏԻԳԼԱԼ տիպի դիպուկահար հրացաններից՝ արձակելով 25 կրակոց:

Մամուլի ծառայության հաղոդրմամբ՝ ՊԲ առաջապահ զորամասերը ձեռնպահ են մնացել պատասխան գործողություններից և շարունակել վստահորեն իրականացնել մարտական հերթապահություն: