Կառավարությունն այսօր հավանության արժանացրեց պաշտպանության նախարար Վիգեն Սարգսյանի որոշման նախագիծը, որով գումար կփոխանցվի զինվորական ծառայության պարտականությունները կատարելիս հրազենային վնասվածք ստացած Ռուզվելտ Թորոսյանի բուժումը Ռուսաստանի Դաշնությունում իրականացնելու նպատակով։

Ռուզվելտ Թորոսյանի բուժման 1 միլիոն 300 հազար դրամը կտրամադրվի  2017 թվականի պետական բյուջեով նախատեսված կառավարության պահուստային ֆոնդից։

Նախարարի փոխանցմամբ՝ դեպքը տեղի է ունեցել 2014 թվականին և Ռուզվել Թորոսյանի բուժումը Հայաստանում կազմակերպելու համար բոլոր միջոցները օգտագործվել են, և ՊՆ-ն նունպես բազմաթիվ անգամ աջակցություն է ցուցաբերել նրա` արտերկրում կայացած հետազոտությունների համար, սակայն սա այն դեպքն է, որ զինծառայողի բուժումը անհնար է Հայաստանում կազմակերպել։