HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Իրաքի և Հնդկաստանի քաղաքացիների մուտքը Հայաստան կհեշտացվի

Կառավարությունը 2008-ին ընդունված որոշման նախագծում փոփոխութուններ կատարելով` սահմանեց, որ Իրաքի և Հնդկաստանի քաղաքացիները և ճամփորդական փաստաթղթեր ունեցող անձինք Հայաստան մուտքի վիզա կարող են ստանալ միայն օտարերկրյա պետություններում Հայաստանի դիվանագիտական ներկայացուցչություններում և հյուպատոսական հիմնարկներում՝ նաև առանց հրավերի, իսկ Հնդկաստանի այն քաղաքացիները, ովքեր ունեն կացության կարգավիճակ Արաբական Միացյալ Էմիրություններում, Բահրեյնի Թագավորությունում, Կատարի Պետությունում, Քուվեյթի Պետությունում և Օմանի Սուլթանությունում, Հայաստանի Հանրապետության մուտքի վիզա կարող են ստանալ նաև Հայաստանի սահմանային անցման կետերում։

Ինչպես կառավարություն ներկայացված փաստաթղթերում է ասվում՝ որոշման նախագծի ընդունումը պայմանավորված է Պարսից Ծոցի տարածաշրջանից (բացառությամբ Սաուդյան Արաբիայի) դեպի Հայաստան զբոսաշրջիկների հոսքը խթանելու անհրաժեշտությամբ, քանի որ այդ երկրներում զգալի քանակությամբ Հնդկաստանի քաղաքացիներ են բնակվում, և անհրաժեշտություն է առաջացել դյուրացնել վերջիններիս մուտքը Հայաստան՝ սահմանային անցակետերում Հայաստանի վուտքի վիզա ստանալու հնարավորություն ընձեռելու միջոցով:

լուսանկարը` Օնիկ Գրիգորյանի / Հետք

Մեկնաբանություններ (1)

begabler
Հետաքրքիր է, տեսնես ինչո՞ւ բավականին բարձր կենսամակարդակ ունեցող Սաուդյան Արաբիայի քաղաքացիները Հայաստան այցելելու համար պետք է մուտքի արտոնագիր ստանան ՀՀ դեսպանություններից/հյուպատոսություններից մեկում, այն էլ բացառապես հրավերի առկայությամբ, իսկ մինչդեռ հարեւան Եմենի քաղաքացիները, որը համարվում է աշխարհի ամենաաղքատ երկրներից մեկը, կարող են հենց այնպես վեր կենալ ու գալ Հայաստան, իսկ մուտքի արտոնագիր ստանալ տեղում (օդանավակայանում, կամ էլ սահմանային անցակետերից մեկում)՝ համապատասխան վճարումը կատարելուց հետո։ Նաեւ կառաջարկեի վերացնել մուտքի արտոնագրի համար վճարվող տուրքն ու առանց վիզա ՀՀ մուտք գործելու իրավունք ունեցող ԱՊՀ, եվրոպական երկների ու ԱՄՆ քաղաքացիների հետ միասին այդ ցուցակում ընդգրկել այլ երկրների քաղաքացիների եւս, ինչպես օրինակ Կանադա, Ավստրալիա, Նոր Զելանդիա, Ճապոնիա, Հարավային Կորեա, Թայվան, Հոնկոնգ, Սինգապուր, Իսրայել, Արաբական Միացյալ Էմիրություններ, Սերբիա եւ այլն։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter