Արաքս Մամուլյան

Նախկին վարչապետ, Հանրապետական կուսակցության փոխնախագահ Հովիկ Աբրահամյանի կուսակցությունից դուրս գալուց հետո նրա թիմը շարունակում է լքել ՀՀԿ-ի շարքերը:

ՀՀԿ կազմակերպչական խորհրդի նախագահ Ռուբեն Թադևոսյանի փոխանցման՝ Աբրահամյանի՝ կուսակցությունը լքելու օրվանից՝ հունվարի 31-ից մինչև փետրվարի 3-ն ընկած ժամանակահատվածում ՀՀԿ-ն լքելու դիմում է ներկայացրել 23 անձ՝ ներառյալ Հովիկ Աբրահամյանը: Նրանց հիմնական մասը Հովիկ Արբահամյանի թիմակիցներն են։ Նախկին վարաչպետի հետեւից գնացել է նաև նրա ոչ կուսակցական ազգականը՝ Ոստիկանության Արմավիրի վարչության պետ Արսեն Աբրահամյանը։

Կուսակցությունը լքածների շարքում են Գյումրու նախկին քաղաքապետ Վարդան Ղուկասյանը,  Աբրահամյանի մի քանի ազգականներ, Արարատի մարզի 3 համայնքապետեր, մեկ դպրոցի տնօրեն:

ՀՀԿ-ն լքել են նաև Արարատի մարզպետարանի եւ Արտաշատի քաղաքապետարանի աշխատակիցներ։ 

լուսանկարը` hhk.am