HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Հերգնյան

Հայաստանի միջազգային պահուստները 133 մլն դոլարով նվազել են հունվարին

Այս տարվա հունվարի վերջի դրությամբ Հայաստանի միջազգային պահուստները կազմել են 2.067 մլրդ ԱՄՆ դոլար։ Մեկ ամսում պահուստների ծավալը կրճատվել է 133 մլն դոլարով կամ 6%-ով։ Այս մասին են վկայում ՀՀ կենտրոնական բանկի տվյալները։

Պահուստների կազմում 2.066 մլրդ դրամը արտարժույթով է։ 0.98 մլն դոլարն էլ՝ ՀՓԻ-ով (հատուկ փոխառության իրավունք) միջոցները ԱՄՀ-ում (Արժույթի միջազգային հիմնադրամ)։ Իսկ ոսկի ՀՀ միջազգային պահուստներում չկա։

2016 թվականի դեկտեմբերին գրանցվեց պահուստների զգալի աճ, որը կազմեց 448 մլն դոլար և պահուստների մակարդակը հասավ 2.2 մլրդ դոլարի։ Դա ամենաբարձր ցուցանիշն էր 2014 թվականից ի վեր։ Թեև այս տարվա հունվարին ծավալը կրկին կրճատվել է, սակայն այն ևս գերազանցում է նախորդ տարվա ցուցանիշները։

Միջազգային պահուստների կրճատմանը զուգահեռ աճել է ՀՀ պետական պարտքը։ Հունվարին այն ավելացել է 27.2 մլն դոլարով։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter