Երևան քաղաքի ավագանու այս տարվա առաջին նիստում ավագանու անդամները հավանություն են տվել գույքահարկի գծով արտոնություններ սահմանելու մասին որոշման նախագծին: Այս մասին տեղեկացնում է քաղաքապետարանի հասարակայնության հետ կապերի բաժինը:

Հաշվի առնելով ստեղծագործական միությունների և միավորումների Երևանի քաղաքապետին ուղղված խնդրանքը՝ գույքահարկի գծով հարկային արտոնություններ են սահմանվել «Հայաստանի գրողների միություն», «Հայաստանի նկարիչների միավորում», «Հայաստանի թատերական գործիչների միավորում», «Հայաստանի կինեմատոգրաֆիստների միավորում» և «Հայաստանի կոմպոզիտորների և երաժշտագետների միավորում» հասարակական կազմակերպություններին: