![](/static/articles/07/57/31/l-YyKa9BoJqh.jpg)
Տանիքի փլուզում Լեռնանիստ գյուղում (լրացված)
Այսօր ժամը 10:15-ին ահազանգ է ստացվել, որ Կոտայքի մարզի Լեռնանիստ գյուղում՝ դպրոցի մոտակայքում, տեղի է ունեցել պայթյուն՝ փլուզվել է խանութ, կան տուժածներ. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ, հատուկ նշանակության փրկարարական աշխատանքների իրականացման կենտրոնի փրկարարական ջոկատը, Ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը և հոգեբանական խորհրդատվության գծով հրահանգիչը:
Ինչպես հայտնում է ԱԻՆ լրատվական ծառայությունը, պարզվել է, որ դեռևս չբացահայտված հանգամանքներում փլուզվել է 7-րդ թաղամասի թիվ 40 հասցեում գտնվող Գ. Ա.-ին պատկանող մթերային խանութը:
Մինչ փրկարարների՝ կանչի վայր հասնելը, տեղի ուժերով փլատակներից դուրս են բերվել Ս. Ա.-ը (ծնված 1987 թ.) և Տ. Ս.-ը (ծնված 1993 թ.), ովքեր տարբեր աստիճանի մարմնական վնասվածքներով հոսպիտալացվել են Հրազդանի ԲԿ, այնուհետև Երևան քաղաքի «Էրեբունի» և «Սուրբ Գրիգոր Լուսավորիչ» ԲԿ-ներ: Տուժածների առողջական վիճակը գնահատվել է համապատասխանաբար կայուն ծանր և բավարար:
Փրկարարները հատուկ տեխնիկայի օգնությամբ փլատակներից դուրս են բերել Ա. Ա.-ի (ծնված 1967 թ.), իսկ ժամը 12:03-ին՝ Ա. Ս.-ի (ծնված 1986 թ.) դիերը:
Մեկնաբանել