2013 թ.ին Գյումրիում ստեղծված Արատտա Բենդը նվագում է ֆոլկ, էթնո ջազ՝ ազգային երաժշտությունը համադրելով էթնո ռոքի, ռեգիի, ֆանկի հետ: Արատտան ընդգծված երաժշտական ուղղվածություն չունի, խմբի անդամները փորձում են համադրել տարբեր ժանրեր: Նվագում են և´ ակուստիկ, և´ էլեկտրոնային ձևաչափով: Համերգներ են ունենում Գյումրիում, Երևանում, պատրաստվում են առաջին արտասահմանյան համերգին Թուրքիայում:

2016թ.-ին խմբի կազմն ընդլայնվել է: Այժմ Արատտան 5 հոգուց է բաղկացած. Արմեն Հովհաննիսյան՝ սոլո կիթառ, վոկալ, Գևորգ Հակոբյան՝ դուդուկ, պկու, զուռնա, շվի, բլուլ, Մհեր Մարտիկյան՝ բաս, Տարոն Գրիգորյան՝ ռիթմ կիթառ, Արմեն Թադևոսյան՝ հարվածային գործիքներ: