«Nemra» խումբը ձևավորվել է 2012-ին։ Ստեղծագործում է ալտերնատիվ ռոք ժանրում և մշակում հայկական ժողովրդական երգեր։ Ունի 30-ից ավելի երգ, մի քանի տեսահոլովակ:

Ռոք խումբը չորս անդամ ունի՝ Վան Եղիազարյանը (էլեկտրակիթառ, վոկալ), Մարիաննա Կարակեյանը (ստեղնաշարային գործիքներ, բեք վոկալ), Վասպուր Եղիազարյանը (բաս կիթառ, բեք վոկալ), Մառեկ Զաբոռսկին (հարվածային գործիքներ)։

Վանն ու Վասպուրը հարազատ եղբայրներ են, իսկ Մարիաննան ու Մառեկը՝ քույր ու եղբայր։

Խմբի «Nemra» անվանումը Armen, Armenia անվան շրջված տարբերակն է։

«Nemra-ն մոլորակ է, որտեղ մարդիկ ապրում են, կռվում, սիրում միմյանց, արտահայտում իրենց զգացումները՝ երաժշտության միջոցով»,-այսպես են նկարագրում իրենց «մոլորակը»։