Քիչ առաջ Ազգային ժողովի փոխնախագահ Սամվել Նիկոյանը, դիմելով պատգամավորներին, հայտարարեց, որ վերջիններս առաջադրեն թեկնածուների: «Ժառանգություն» խմբակցության անունից Րաֆֆի Հովհաննիսյանն առաջադրեց Լարիսա Ալավերդյանի թեկնածությունը: Իսկ Գալուստ Սահակյանը ՀՀԿ-ի անունից առաջադրեց Սամվել Նիկոյանի թեկնածությունը:

Սամվել Նիկոյանն իր ելույթում շնորհակալություն հայտնեց ՀՀԿ-ի նախագահ Սերժ Սարգսյանին այս լուրջ պաշտոնում իր թեկնածությունն առաջադրելու համար: Ըստ Ս. Նիկոյանի, ինքը շարունակելու է հաջողված ծրագրերի իրականացումը, որոնք շատ են: Սակայն խնդրեց հակասություն չդիտարկել, երբ դրանցում շեշտադրումները փոխվեն, և այլ փոփոխություններ լինեն:

Սամվել Նիկոյանը նշեց, որ մոտենում են խորհրդարանական ընտրությունը, և յուրաքանչյուր խմբակցություն կամ պատգամավոր օգտվելու է իրեն ընձեռված հնարավորություններից ու խոսափողն օգտագործելու է քաղաքական նպատակներով:

ԱԺ նախագահի թեկնածուն խոստացավ բոլոր պատգամավորների համար ապահովել հավասար հնարավորություններ, իսկ կառավարության հետ պահել գործընկերային հարաբերություններ: