Տեսանյութեր
Լուսանկարներ
«Հայկական վերածնունդ»-ն արձագանքել է «Հետքի» հրապարակմանը
«Հայկական վերածնունդ» կուսակցությունն արձագանքել է «Հետքի» Արթուր Բաղդասարյանի չհայտարարագրած ընկերությունները և կապը օֆշորների հետ հրապարակմանը: Պարզաբանումն ամբողջությամբ ներկայացնում ենք ստորև
««Հետք» պարբերականի հրապարակումները բարձր գնահատելով և դիտարկելով կարևորոգույն գործոն հետաքննող լրագրության դերը, այդուհանդերձ, ցանկանում ենք ներկայացնել Ձեր հրապարակման հետ կապված մեր պարզաբանումը.
- Արթուր Բաղդասարյանը ԿԸՀ չի ներկայացրել «Հայասի գրուպ» ընկերությունից ստացած իր շահութաբաժնի մասին տեղեկատվությունը միայն այն պատճառով, որ 2016 թ. տարվա արդյունքներով Պետական եկամուտների կոմիտե շահութահարկի հաշվետվությունը ներկայացվում է 2017 թ. ապրիլի 20-ին: Եթե «Հետքին» հետաքրքրում է, ապա տեղեկացնենք, որ 2015թ. «Հայասի գրուպի» մաքուր շահույթը կազմում է 80 մլն. դրամ, որն ամբողջությամբ ուղղվել է ընկերության վարկային պարտավորությունների մարմանը:
2. Ինչ վերաբերում է «Հայասի գրուպ» ընկերության մեջ 2010թ. կիպրոսյան ընկերության մասնակցությանը, ապա այդ մասին , ի պատասխան լրատվամիջոցների, քանիցս պարզաբանվել է, որ դա կապված է եղել ընկերության մեջ խոշոր ներդրումներ կատարելու խոշոր գործարարի մասնակցության հետ, ով բարեկամական առնչություններ ուներ Կարեն Սարգսյանի հետ և հենց այդ պատճառով էլ ընկերությունը գրանցվել է 2010թ. նրա հիմնադրմամբ և այդ մասին հայտարարվել է 2010թ. Երևայում լրագրողների հետ հանդիպման ժամանակ: Ավելին` ընկերության ներկայացուցիչը 2010 թ. դեկտեմբերի 20-ին պաշտոնական հանդիպում է ունեցել ՀՀ վարչապետ Տիգրան Սարգսյանի հետ և հայտարարել է խոշոր ներդրման մասին: Հետագայում, սակայն, նշված կազմակերպությունը գործուն մասնակցություն չի ցուցաբերել և ծրագիրը գերազանցապես իրականացվել է վարկային ռեսուրսներով: «Հայասի գրուպը» զրոյից կառուցվել է ամայի հողատարածքի վրա, ԱԿԲԱ Կրեդիտ Ագրիկոլ բանկի շուրջ 13 վարկային պայմանագրերով, փուլային եղանակով տրամադրված վարկերի հիման վրա, բանկի մասնագետների բազմակի և թափանցիկ ուսումնասիրությունների հիման վրա»:
Մեկնաբանել