Տեսանյութեր
Լուսանկարներ
Ընտրություններում տեխնիկական սպասարկման համար վերապատրաստվել է ԱԻՆ 600 աշխատակից
Մարտի 23-ին ավարտվեց ընտրատեղամասերում տեխնիկական սարքավորումը սպասարկող մասնագետների պատրաստման դասընթացը: Այս մասին հայտնում է Արտակարգ իրավիճակների նախարարության Տեղեկատվության և հասարակայնության հետ կապերի վարչությունը:
Հանրապետության բոլոր մարզերում և Երևանում կազմակերպվել է ԱԻՆ աշխատակիցների ուսուցում` նպատակ ունենալով ձևավորել տեխնիկական սարքավորումները սպասարկող մասնագետների ռեզերվային խմբեր:
Լոռու և Գեղարքունիքի մարզերում դասընթացներին ներկա էր նաև ՀՀ ԱԻ փոխնախարար Դավիթ Կարապետյանը: Խոսելով դասընթացների մասին՝ Դ. Կարապետյանը: «Այս դասընթացների արդյունքում Արտակարգ իրավիճակների նախարարության 600 աշխատակիցներ ուսուցանվել են` հանրապետության ողջ տարածքում ձևավորելով ռեզերվային խմբեր, որոնք արագ կարձագանքեն ու կապահովեն տեխնիկական սարքերի անխափան աշխատանքը, եթե որևէ ընտրատեղամասում ներգրավման անհրաժեշտություն լինի»:-նշել է նա:
Փոխնախարարը հորդորել է նաև ընտրատեղամասերում պահպանել քաղաքական չեզոքություն և քաղաքացիներին մատուցել որակյալ ծառայություն:
Կենտրոնական ընտրական հանձնաժողովի կողմից տրամադրված ձեռնարկներով և նմուշ-օրինակով կազմակերպված դասընթացի ավարտից հետո անցկացվում է ստուգարք՝ ուսուցանվողների գիտելիքներն ու հմտությունները գնահատելու համար:
Մեկնաբանել