HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Մեկ ընտրախցիկում` 3 քաղաքացի

Մալաթիա-Սեբաստիա համայնքի 179-րդ դպրոցում տեղակայված 2 ընտրատեղամասներում`  7/37-ում և 7/38-ում  շարունակում են ընտրությունները ընթանալմնալ բավական բազմամարդ և ակտիվ մթնոլորտում: Ընտրողները շարունակում են դրսում հերթ կանգնել, որպեսզի միայն ոստիկանների թույլտվությամբ ներս մտնեն, երբ հասնի իրենց հերթը: 

Քիչ առաջ  7/37 ընտրատեղամասում 2 միջադեպ տեղի ունեցավ: Առաջինը դիտորդի` «Թրանսփարենսի ինթերնեյշնլ»-ի ներկայացուցչի և ՀԿԿ-ի  վստահված անձի միջև: ՀԿԿ-ի վստահված անձը փորձում էր խլել «Թրանսփարենսի ինթերնեյշնլ»-ի ներկայացուցչի ձեռքից տեսախցիկը: 

Մյուսի դեպքում ընտրողը ուներ օգնության կարիք, հանձնաժողովի նախագահի թույլտվությամբ նրան օգնելու մտավ ևս մեկ քաղաքացի, վերջինս պարզվեց, որ նույնպես ունի տեսողության խնդիր: Անհրաժեշտություն եղավ նրանց օգնելու համար ևս մեկին ուղարկել քվեախցիկ հանձնաժողովի նախագահի իմացությամբ: Արդյունքում քվեախցիկում հայտնվեցին երեք քաղաքացիներ. երկուսը` տեսողության խնդիր ունեցող, մեկը` օգնող:

Նույն դպրողում տեղակայված 7/38-ում էլ միջադեպ տեղի ունեցավ հանձնաժողովի նախագահ ,ՀՀԿ-ն ներկայացնող Մելքոնյան Էդուարդի և «Հայկական վերածնունդ» կուսակցության վստահված անձի միջև: Բանն այն է, որ հանձնաժողովի նախագահը մեղադրում էր վստահված անձին տղամարդու անունով գրանցվելու մեջ:

Ժամը 11-ի դրությամբ 1962 ընտրողներից 7/37-ում մասնակցել է 257 ընտրող, 7/38 տեղամասում` 279 ընտրող:

Տեսանյութում՝ 7/38 ընտրատեղամասի հանձնաժողովի նախագահն ու «Հայկական վերածնունդ» կուսակցության վստահված անձն են

Զառա Մանուչարյան

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter