Լոռու մարզի Տաշիր համայնքի թիվ 25/06 ընտրատեղամասում ընտրողների թիվը 1114 է, ժամը 11.30-ի դրությամբ 120-ը արդեն ընտրել են։ Հանձնաժողովի նախագահ Նանե Պողոսյանը նշեց, որ ընտրությունները ընթանում են բնականոն հունով, առանց խախտումների։ Սակայն հենց այդ պահին «Ծառուկյան» դաշինքի վստահված անձ Արսեն Բարսեղյանը քվեախցիկում օգնում էր ընտրողին։ Այն հարցին, թէ ինչու է քվեախուց մտել ընտրողի հետ, պատասխանեց. «Հարց էր տալիս, պատասխանում էի»։ Հանձնաժողովի նախագահը փորձեց կանխել խախտումը։ Թիվ 25/06 ընտրատեղամասի նախագահը նշեց, որ բնակչության մեծ մասը եզդիներ են և տառաճանաչ չեն։

Մարինա Անդերասյան