«Տարածքային զարգացման և հետազոտությունների կենտրոն» դիտորդ մարմնի ներկայացուցիչ Ալբերտ Համբարձումյանն անընդհատ դժգոհում է հանձնաժողովի անդամների աշխատանքից, կռիվ է հրահրումՙ «Համահայկական երիտասարդական ասոցիացիայ» դիտորդական կազմակերպության անդամ Խաչատուր Թովմասյանի հետ, որը քվեարկության ամբողջ ընթացքում կոչ է անում ընտրողներին չվախենալ, կատարել ցանկալի ընտրություն և չմոռանալ՝ ինչ օր է այսօր:

Երբ խնդրեցինք ներկայանալ, առանց իր վկայականին նայելու ասաց՝ «Բարգավաճ եմ»: Ընտրատեղամասում կան անձինք, որոնք քվեարկել են, բայց շարունակում են գտնվել տեղամասում: Նկարում պատկերված ձեռնափայտով երիտասարդն արդեն մի քանի ժամ շարունակ գտնվում է ընտրատեղամասում: Նա փորձեց գրանցվել, որպես ընտրողին օգնող անձ, բայց պարզվեց, որ ընտրողը չի ցանկանում, որ իրեն օգնեն: Կնոջը չօգնելու փաստը առաջացրեց դիտորդ Ալբերտ Համբարձումյանի զայրույթը:

Տեղեկացնենք, որ այս պահին ընտրության իրավունք ունեցող 1280 ընտրողից քվեարկություն է կատարել 350-ը, որոնցից 17-ը՝ այլ անձի օգնությամբ: Ընտրատեղամասում ժամը 11:30-ից սկսած կուտակումներ են:

Մետաքսյա Մաթևոսյան