Վանաձորի ընտրատեղամասերում ընթացքի մեջ է քվեարկության արդյունքների ամփոփման գործընթացը:

Փորձեցինք տեղում ծանոթանալ քվեաթերթիկների հաշվարկման պրոցեսին: Վանաձորի 23/42 տեղամասում, սակայն, դռները փակ էին, իսկ մեզ մոտեցած հանձնաժողովի անդամը առանց լսելու ձեռքով միայն հասկացրեց, որ պրոցեսը դռընփակ է՝ խախտելով լրագրողների՝ հանձաժողովի ամփոփիչ նիստին հետևելու իրավունքը:

Փաստաբանների պալատի անդամ Գրիշա Բալասանյանից տեղեկացանք, որ 2016թ.-ին օգոստոսին ընդունված որոշման համաձայն` ԶԼՄ ներկայացուցիչներն իրավունք ունեն ընտրական գործընթացի ավարտից հետո գնալ ցանկացած ընտրատեղամաս՝ լուսաբանելու ամփոփիչ նիստի ընթացքը և լքել տվյալ ընտրատեղամասը՝ իրենց գործունեության ավարտից հետո:

Գոհար Մովսիսյան