Քնար Բաբայան

Այսօր Արցախի ագրարային համալսարանի ուսանողների նախաձեռնությամբ Մարտակերտի N զորամասին կից տարածքում կազմակերպվել է ծառատունկ` նվիրված անցած տարի ապրիլյան պատերազմում զոհված զինվորների հիշատակին։ 

«Քանի որ ծառը հարատևության նշան է, այդկերպ մենք փորձեցինք մեր զորակցությունը հայտնել զոհված զինվորների ծնողներին»,-ասաց Ագրարային համալսարանի ուսանողուհի Մարիաննա Պետրոսյանը։

Նորակոչիկ Լևոն Մինասյանն ասում է, որ գիտի, թե որ շարքում է գտնվում լեյտենանտ Հայկ Գրիգորյանի հիշատակին իր տնկած ծառը։

«Ծառայությանս ընթացքում խնամելու եմ իմ տնկած ծառը։ Ուզում եմ ծնողներիս էլ ցույց տամ, երբ գան ինձ այցելության»,-ասում է Լևոնը։   

Ընդհանուր առմամբ տնկվել է մոտ 130 մրգատու ծառ, որից 85 անվանական տնկիները նվիրված են ապրիլի 2-5-ի զոհված զինվորների հիշատակին։