Երկուշաբթի աշխատանքային այցով Լեռնային Ղարաբաղի Հանրապետություն կմեկնի Տնտեսական մրցակցության պաշտպանության պետական հանձնաժողովի նախագահ Ա. Շաբոյանը: Այցի ընթացքում նախատեսվում են հանդիպումներ ԼՂՀ նախագահ Բակո Սահակյանի, ԼՂՀ վարչապետ Արայիկ Հարությունյանի, և ԼՂՀ  հանրային ծառայությունները և տնտեսական մրցակցությունը կարգավորող հանձնաժողովի նախագահի և աշխատակազմի հետ: 

Համաձայն նախորդ տարի կնքված համագործակցության հուշագրի՝ կողմերը համագործակցում են ՀՀ-ում և ԼՂՀ-ում մրցակցային միջավայրի բարելավմանն ուղղված քայլերի իրականացման շուրջ: 
 
ՏՄՊՊՀ պատվիրակության կազմում են նաև Հանձնաժողովի անդամ Սլավա Պետրոսյանը և Աշխատակազմի ղեկավար Տիգրան Խեչոյանը: Այս մասին հայտնում է ՏՄՊՊՀ մամուլի ծառայությունը: